Analfabetizmi digjital godet Europën

Europa humb miliarda dollarë investime për shkak të mungesës së fuqisë punëtore të kualifikuar dhe teknologjikisht të orientuar, thuhet në raportin e Komisionit Europian.
Poashtu tërhiqet vërejtja që 40 për qind e qytetarëve europianë vuajnë nga "analfabetizmi digjital", dhe se mungesa e fuqisë punëtore kualitative ngadalëson realizimin e projekteve të reja. Prandaj miliarda dollarë të investimeve potenciale në vend se në Europë përfundojnë në tregjet e reja me rritje të shpejtë, si India dhe Kina, ku çdo vit dalin disa qindra mijëra inxhinierë të rinj.
Për të zbutur sadopak deri diku këtë problem në Komisionin Europian kanë paralajmëruar një varg iniciativash, si e-Inclusion, që ka për qëllim që deri në vitin 2010 të përgjysmojë analfabetizmin digjital.